法國男士香體品牌AXE最近同國際非牟利組織Peace One Day合作，拍咗套廣告片，主題係「Make Love Not War」。片段重演咗多個同戰爭有關嘅經典歷史場面，包括越戰、北韓大閱兵等，但係喺中國人眼中，最矚目一幕就係六四坦克人再現。
短片中，一位金髮美女手執膠袋，單挑越逼越近嘅坦克，令人不期然諗起25年前天安門屠城後王維林隻身擋坦克嘅英雄故事。廣告中嘅坦克人，結果同坦克裏面嘅士兵熱情擁抱，完美結局。廣告背後嘅理念係，當人有愛，就會少咗野心，而面對充滿衝突嘅世界，愛就係最大威力嘅武器。