【本報訊】扎鐵業團結工會理事長黃惠民指，隨着多項基建上馬，業內就職率非常高，剛畢業的扎鐵工經議會轉介工作，可享日薪約610至700元；但因工作辛苦，不少初哥做三小時至一個星期就「劈炮」，「如果連續捱到三個月，就算成功（可長遠留在扎鐵業）」。
暑假旺季最搶人
黃稱過去幾十年約見過三至四個「老闆女親屬」幫手做部份較簡單的扎鐵工序如屈鐵、砌間牆等，但從沒見過一個正式的女扎鐵工；而且自10多年前行內規範化後，女人已絕迹此行。他認為，女人做扎鐵亦無不可，「唔敢肯定有冇歧視」。
他指，現時本港約有3,200多個中工（即基本扎鐵工）、1,000多個大工（即大師傅），「開工不足少咗好多，中工更加係大把工開，如果表現好，日薪會（每月）幾十幾十加上去，個個月都有得加」。
暑假旺季是最搶人的時候，「（你可以）幻想喺攝氏50度、戶外冇風嘅環境，烈日下做八個鐘」，每日要飲最少六公升水，毋須上廁所，「流汗都流晒」，黃稱，加上職業安全規定要穿反光衣，熱上加熱，「𠵱家冇乜師傅赤膊做嘢㗎喇！」