廖創興家族後人廖偉芬（Jennifer）近年由建築師變為連鎖咖啡店老闆娘，佢舊年參加電視節目《窮富翁大作戰》後，講過話要為弱勢社群出力，之後佢真係搵到包括住好啲創辦人楊志超在內三位朋友組織Narrative HK，旨在推動每人都能作出改善呢個概念。
廖偉芬喺《窮富翁大作戰》入面，主要到唔同基層家庭暫住體驗貧窮，節目結尾，佢搵咗一班建築同設計界朋友，連同旗下咖啡店員工，一齊為基層小朋友將舊家具改頭換面，用意係想基層有所改變，又希望專業人士關注弱勢社群需要。
廖偉芬成立Narrative HK，將會舉行「升級周末坊」，計劃每月舉行一次工作坊，跟唔同嘅基層人士為家具、樂器、時裝進行升級同再造，首次工作坊將於本月中舉行。