現年33歲的黃宗澤（Bosco）前年跟胡杏兒分手後，昨日突然爆出與名模楊崢發展姊弟戀三個月，二人被目睹在西貢拖手及一塊曲奇兩份食，表現甜蜜。昨日有讀者報料，指目擊熱戀中的Bosco和楊崢在深灣遊艇會撐枱腳，兩人情不自禁下捉着手談心，又公然咀嘴，果然是情到濃時，目中無人。
揸男友車
昨日楊崢在尖沙嘴為金像獎記者會擔任司儀，身穿紅裙神采飛揚的她，被問到是否與Bosco拍拖三個月時，她直認不諱：「係啦，互相了解認識當中。」再追問是否與Bosco在西貢拖手？楊崢未有否認：「正常社交活動。」有否錫錫？她只說：「希望大家畀啲空間我哋。」接着楊崢大讚Bosco孝順有上進心，欣賞他勤力和謙虛。至於Bosco的舊愛胡杏兒知否他們拍拖，楊崢避談只說：「我知佢（杏兒）係邊個。」
記者會後楊崢駕車離開，她駕駛的仿古車正是Bosco所有，之後她的車經紅隧返回鯉景灣住所，泊好車後她大方任影，再問拍拖是否很開心？楊崢甜笑謂：「答咗，唔答啦。」
相差九年
此外，Bosco昨日在將軍澳現身，全程四萬笑容的他默認戀情，承認與楊崢了解中，提到西貢拖手及共吃一塊曲奇，他與楊崢口徑一致說：「正常社交活動，雙方未見家長，但媽咪知道嘅。」
Bosco也讚楊崢聰明、EQ高、雙方都愛飲食：「最緊要係溝通到，年紀絕對唔係考慮因素。」昨日有報道指楊崢是38歲，但有人報料指她其實是72年出世，上月剛過42歲生日，跟去年12月剛過33歲生日的Bosco，足足相差九年多。
採訪：溫敏芝、黃曉程
攝影：葉君海、梁繼光、畢紹基
早選為女神
黃宗澤和楊崢本來牛頭唔搭馬嘴，但卻竟然有緣走在一起譜出姊弟戀，當年胡杏兒也比Bosco年長一歲。昨日有網民翻查早年雜誌訪問，Bosco已揀楊崢為心目中女神。
堪輿學家區仲德昨日指Bosco命格是被愛及受女性照顧，故此易發生姊弟戀：「今年Bosco嘅桃花好旺，但佢同楊崢就相剋。」區仲德又指Bosco在明年有另一個妻緣運，因此大有機會認識另一位女性：「最大危機係喺明年夏天，但講真就算過到，睇佢哋開花結果嘅機會都唔大。」
戀情公開，但昨日不少網民表示覺得兩人年紀相差大難睇好，還是覺得Bosco和杏兒合襯，不過也有網民留言祝福。
採訪：唐寶妮