【美人娛】姚書軼（Mikki）於上海出生，每逢農曆年都會回鄉與家人共度佳節，今年Mikki回家之前，自掏腰包近六位數字，請家人與朋友一共九人到台灣旅行，更充當導遊安排機票住宿及行程，她說：「已經10幾年冇同屋企人一齊去旅行，雖然要plan行程，組織一個團真係好辛苦，但都值得，因為台灣嗰邊新年都好熱鬧。」
新年大出血，Mikki笑言這是好兆頭，她說：「見吓紅都好，好意頭，總之佢哋開心就OK！」新的一年開始，Mikki將繼續努力工作賺錢，完成買樓的心願，她說：「我希望可以買到一間自住嘅樓，唔使豪宅，但起碼有兩間房嘅安樂窩，自己都想拍拖，都希望行吓桃花運，快啲搵到男朋友。」
採訪：羅慧敏
服裝提供：上海灘