呂中豪傑:利記小將胸襲聽衰 - 呂晨

呂中豪傑:利記小將胸襲聽衰 - 呂晨

任你更型,一鹹濕就唔型。家陣俾利物浦借咗去英冠打比郡嘅後衞韋斯頓,雖然稱不上型仔,但一張猴擒胸襲照,已經足以令呢個英格蘭小將「身敗名裂」。雖然借夜蒲之名,任何親密同瘋狂行為都可以變得合理化,但局外人眼中可能只覺糜爛。大概韋斯頓自覺做得出又唔怕認,於是亦將呢一張輕攬「肉彈」照放到個人Instagram上。
相中「肉彈」真正身份係來自巴拿馬嘅24歲模特兒Stephanie,佢身兼女主持同演員,但無論係其紅唇抑或「中門大開」嘅大V領,都毫無美感可言。可能覺得自己好靚,所以Stephanie上載唔少自拍照到Instagram,當中不乏性感谷胸,仲瞓晒身着豹紋T-back露股,對自己驕人身材充滿自信,仲自信到自戀㖭。
各花入各眼,但呢粒「肉彈」真係好礙眼,真心覺得任你再靚,一姣就真係唔靚。

文:呂晨
以女性角度看球星新聞,唔用眉筆用原子筆寫低球壇百態!