克羅地亞球手卡洛域禮拜二喺薩格勒布室內網賽首圈，以6:7、7:5、7:6反勝德國嘅白蘭特斯，場波睇落冇乜特別，其實內有玄機，事關卡洛域總共發咗44個A士波，平咗澳洲名將菲臘普西斯喺1995年創下嘅A士波紀錄。另外，喺澳網整親背部嘅西班牙球手拿度（圖）已經冇乜事，下個禮拜可以去阿根廷參加布宜諾斯艾利斯一個網賽。