【本報訊】觀塘物華街小販市集前日完成第一階段交吉行動，原以為會歸於平靜的檔攤，昨日依舊人聲鼎沸，唯一表明拒絕在月底前遷出、放棄市建局近10萬元津貼的內衣檔主「肥妹」李淑賢，門前顧客絡繹不絕；已遠遷新界西北、港島的老街坊特意重臨舊地為她打氣，「好感動，呢啲人情味用金錢買唔到」。
記者：馬志剛
大部份市集的攤檔前日已收取支票拉閘封舖，昨日仍有不少人回到舊舖門前叫賣，趁最後機會努力清貨，背囊、襯衫、皮鞋、睡袍以至毛冷都有，顧客仍舊埋首其中尋覓心水貨，非常熱鬧。市集只餘下五檔繼續正常營業，其中四檔打算在本月底第二階段交吉行動期限關門離開，最終將會餘下進駐舊市集28年、唯一堅持死守的內衣檔檔主「肥妹」李淑賢。
李今早有事未開門，下午才返回檔口開舖，隨即已有20多名客仔前來問候，排隊幫襯。熟客不斷到場打氣，「唔買都嚟捧場」，也有老主顧特意從屯門、港島區前來探望表達支持，也有女士說自己「由師奶幫襯到𠵱家做人阿婆，個孫都成二、三年班喇」。這一切都讓「肥妹」感到開心、感動，「我會一直堅持落去，幾時嚟我都會喺度……呢啲人情味用金錢買唔到」。
指市建局全無誠信
面對近10萬元賠償仍不為所動，李淑賢說自己「唔係賴皮唔走，係要等新市集開咗先走」，她說以往曾經沒有開檔個多月，有客人誤以為她已結業，故無縫交接是她的底線，「我寧願唔走，唔要賠償都要顧住班客」。她指今年1月15日曾與市建局開會，當時觀塘社區發展高級經理蔡曉梅曾說「收咗64,000元都可以做到無縫交接」，且有錄影作證，誰知觀塘項目總監李樹榮翌日就反口，前日再公開表示無縫交接是「概念」而非「承諾」，她覺得市建局全無誠信可言。
李淑賢透露，市建局早前曾派人游說，指開檔個多月也賺不到96,000元，何不接受賠償遷出，靜待新市集開張；她一再強調：「就算賺唔到我都會繼續做，班街坊對我嚟講最重要。錢同人情味相比，我要人情味，社區已經冇乜嘢剩㗎喇，我唔希望連少少都冇埋。」