政黨拜年活動稍後浪接浪。過去唔少政黨都會揀喺辦公室或者黨總部同傳媒吹水、傾偈、食年糕，白鴿黨今年則破格揀咗傳媒平日最鍾意嘅吹水熱點、位於太子嘅TC2 Cafe，喺人日搞新春團拜。TC2 Cafe同民主運動好有緣，當年長毛同公民黨喺旺角舊舖傾出五區公投，陳惜姿亦喺呢度召開國民教育家長關注組首次會議，佔中運動早前亦喺度搞過沙龍。
白鴿黨新一年自然要繼續爭普選，今日仲有近30人決志佔中。但學民思潮話喎，呢期游說政黨搞辭職公投，幾乎所有泛民團體都傾咗或約咗時間，惟獨白鴿黨12月尾至今都覆唔實，學民想白鴿黨快啲畀檔期坐埋傾。