公牛中鋒諾亞早前獲會方保證屬非賣品，不過火氣仲好猛；周一作客帝王一戰，佢因為不服判決，對住球證狂講「F」字頭粗口，換嚟第2個技犯被逐離場；球隊冇咗呢位大將，最終亦以70:99輸波。好彩身為東岸明星隊成員之一，諾亞事後冷靜番都識得向球證道歉，話自己只係一時衝動，不過就好難避免聯盟追加罰款嘞。