26歲前AV女優原紗央莉，曾於三年前演出三級片《3D肉蒲團之極樂寶鑑》，繼而打開知名度，當時喺演藝圈稍有起色，但及後佢以「身體不適」為由，神秘消失咗兩年。不過近日原妙央莉又突然蒲頭，但就改咗名叫「松野井雅」，佢立志脫胎換骨，早前仲重新開facebook，喺網上同粉絲交流。
喺3號凌晨，松野井雅突然喺facebook宣佈，同現年50歲男友結咗婚，寫道：「我，松野井雅已經結婚1年多了，也宣布今後將拋開AV女優的身分，重新展開新的人生。」
松野井雅閃婚消息，令好多粉絲感到愕然。而佢日前仲同老公接受《WEEKLY PLAYBOY》專訪，相中見到松野井雅一臉幸福甜笑，話自己引退期間，喺一間酒吧打工，因為鍾意唱歌玩樂團，而認識現任老公，拍拖唔夠3個月，就決定結婚。
依家佢「復出」做作家，仲現正準備個人自傳，內容會講述佢由16歲加入演藝圈到變成女優故事。