特首狼振英喺蛇年對勞工界走數，竟然唔喺施政報告建議取消強積金對沖機制，搞到工聯會都擇日喺噚日初五開工日，同傳媒拜年之時不忘向狼振英追數，表明多管齊下搶攻取消對沖機制，包括會喺立法會人力同財經事務聯合委員會狙擊張建宗同陳家強，要求兩位局長交代政府嘅立場同時間表，重頭戲係3月24日，佢哋會搞勞工界武林大會，邀請工會同各界約300名代表即席申訴同追數，控訴對沖機制令打工仔受苦。
政府話政改要有商量，但該會立法會議員黃國健就話喺呢件事上，預咗同商界傾唔埋欄、水火不容，強調宣戰都係為咗社會公義。
搶攻之餘，工聯會馬年亦搞防守戰，守住禁止大規模輸入外勞呢條戰線唔會俾商界擊破。佢哋仲立下宏願，希望會員人數年內增長1萬，明年突破40萬。