狼班子民望插水「陀衰家」，令「五大」行政會議非官守議員嘅民望評分都全線下跌。港大民意研究計劃喺上個月訪問逾千名市民，結果發現五大行會議員中，以陳智思評分跌得最勁，由上年9月嘅55.6分，跌至1月嘅50.3分，唔知同佢近排俾政府拉落水，破天荒落區硬銷政改有冇關？
其他評分下跌嘅，包括同跌2.3分嘅葉劉淑儀同林煥光，以及分別跌咗1.5分嘅民建聯李慧琼、以及跌1.3分嘅羅范椒芬。葉劉都算執番身彩㗎嘞，評分跌咗都繼續蟬聯行會民望首位，有53.2分。點解行會成員民望下滑？港大民調計劃總監鍾庭耀相信係政府整體民望下跌所致。