郭富城（城城）昨日騎着馬出席在尖沙嘴舉行的賀歲活動，之後為醒師點睛，大會又安排了三個財神，城城一見財神即時逐個擁抱，寓意接財神，城城拿着大叠利是笑言：「周潤發係賭神，我係城（醒）神。」然後到台下大派利是，場面熱鬧。
城城接受訪問時祝大家心想事成，一馬當先，自己就希望工作順利，他有份主演的《西遊記之大鬧天宮》於內地上映三日票房達三億幾，算是非常順利，城城坦言：「對中國電影係一個鼓舞，有咁好演員同導演，有咁好成績大家都好開心。」有指電影將會拍續集，有古天樂和黃曉明加盟，城城謂：「唔知喎！要睇老闆啦，多啲演員加入都係好事，可以吸引更多觀眾。」問他會否再接拍續集？他說：「我都想繼續做牛魔王，都想有份參與續集，但要睇故事內容點發展。」城城指今年會接拍四部電影，又想再做馬主，等「愛的呼喚」有個伴。
採訪：胡比
攝影：陳順禎