【回本期長】
在電影市場深耕五年，胡景邵手上投資只有兩間後期製作公司。即使鑽出一套成功財務模型，但投資電影「冇肉食」，難打造純投資影音私募基金。他未來寧願轉投零售品牌，正與歐洲品牌洽購時裝及電子消費項目。
「跟住落嚟都唔知投乜，冇嘢好投，內地有市場但審查太多。電影院貴到癲，六年先可回本，做咖啡店年半就得，投翠華（1314）回報肯定好過電影院。」胡景邵說自己稱不上「影音大亨」，從未有王維基的願景，但相信自己的武功可一次過在HMV上發揮。
胡景邵獲AIG集團創辦人Hank Greenberg打本五成，在07年成立私募基金滙友資本。碰上機會買橙天嘉禾，才開始接觸電影。但後期到美國找電影項目投資，先發現「盲舂舂撞入去，連骨都冇得双」。他後來轉投《潛行凶間》後期製作公司傳奇娛樂的4%權益，並趁機拍住「殼王」陳國強及華誼兄弟，三年前高調合組公司傳奇東方，結果遇上歐債危機引發大冧市，合作因投資者抽飛而告吹。
投資電影觸礁，胡景邵再投《變形金剛3》3D製作公司Prime Focus World的5%權益，並與其在杭州新成立合營公司專攻內地。「中國片對3D需求好大，大片一定做，將2D電影轉成3D，講緊只係畀1,000萬美元，但票房可多出1.5億美元三至四成回報。」