【本報訊】領匯近年不斷翻新旗下的商場及街市，抬高商舖租金，令小本經營的商店難以生存。從市場學角度而言，有學者認為領匯翻新後增加產品種類，目的是提高街市的吸引力，擴大消費群。自樂富街市變身後，有居於何文田的市民也專程前往買餸。
香港中文大學市場學系教授冼日明表示，傳統街市給人的印象較污穢、衞生較差，會減低購物意欲。領匯翻新後，可以提升街市的整體吸引力，增加產品種類，「吸引多啲消費者入去睇吓有冇嘢買，以前傳統街市買唔到嘅𠵱家都可以買到」。
不過，他認同小本經營的商戶競爭力可能較低，在自由市場下，最終承擔不起高昂租金而結業，「好多時有競爭力嘅舖頭，價格可以高啲，銷售額又多啲，佢哋負擔到較高租金。呢個係殘酷現實，小商戶因為加租要走都避免唔到」。
與時並進大趨勢
品牌顧問洪子弦表示，企業須與時並進，擴闊顧客層面，「以前街市濕淋淋好難吸引到年輕一輩嘅女性去買嘢，𠵱家市場趨勢係有好多職業女性，佢哋絕對唔會想放工孭住個貴價袋走入街市，但係又有需要買餸，企業就要因應市場改變，總唔可以永遠做50歲以上師奶嘅生意，免不了要與時並進」。
以往怕樂富街市濕滑的蔣小姐表示，「（樂富街市）𠵱家乾淨咗、啲嘢放得整齊，耳目一新，又有熟食又有湯包賣，以前我阿媽怕跣親唔敢去，𠵱家都話要嚟買嘢」。她說，雖然物價比以往「貴少少」，但仍較九龍城街市的物價便宜。