【觀人於微】
「賭得叻，就唔使坐喺度啦！」Ray深明世上無賭神，贏的只是運，「不時有賭客會問荷官意見，問買乜嘢好，我哋一定唔會答」，將問題轉嫁電子紀錄板（俗稱「路紙」）最穩妥。
內地開放自由行後，「香港人數目差唔多，只係內地人比例上多咗好多」；「港人鍾意玩Black Jack（廿一點）同輪盤，內地人主攻百家樂，好鍾意甩牌，追求刺激感」。
Ray說，做荷官要觀人於微，令賭客贏得開心，輸得輕鬆，要學說「魔術語」﹕「唉吔，正常都係咁買㗎啦，真係唔抵，下鋪派過靚牌畀你！」這說話可安撫客人。對贏錢的則要說：「好嘢喎老細，呢鋪買得好好呀！」內地人更喜歡荷官幫手打氣，邊叫「三邊」、「吹」等，與賭客打成一片。
如此識做，小費「最多收過一萬蚊」，惟小費歸公數。令Ray入心的，非大額小費，「反而有客輸錢都會畀貼士，可能只係幾百蚊，但係好開心，好似欣賞你嘅服務」。
《蘋果》記者