新春留港拜年當然好開心，但旅行度歲一樣好happy㗎。好似公民黨陳淑莊Tanya咁，新春倒數前夕已經出發，準備一支花喺南美過新年。日前佢喺fb大晒一個人在途上嘅靚相，例如去到秘魯Paracas巴士總站，即刻大嘆地道啤酒過日辰。查實唔係佢想做酒鬼，而係嗰度要等夠五個客先開工，一切懶洋洋，惟有邊飲邊消磨；喺Nazca出發去Arequipa旅途上，佢仲他鄉遇故知，遇上一對好sweet嘅夫婦㖭呀。
Tanya話愛上南美嘅滋油與自由，已經習慣去到甚少香港同中國旅客嘅地方旅行。身在遠方嘅Tanya仲祝大家馬年心想事成。