曼城有幾豪，睇吓呢件小事就知。當曼城球員操練完後，行出訓練場，佢哋架車就泊喺離門口10碼嘅地方，但佢哋唔使行過去攞車，而係等泊車仔幫佢哋撻車，然後揸10碼去到門口，再畀番架車班球星。離停車場得嗰10碼都要人攞車，曼城真係好奢侈！有目擊者話，有幾位球星都會尷尬，但大部份都覺得好正常。曼城發言人就回應，話呢個係保安措施喎。