超級碗除咗比賽激烈，場外電視廣告戰都好精采，各大品牌都力爭比賽期間賣廣告，吸引過億觀眾；好似連鎖服裝品牌就推出以「萬人迷」碧咸為代言人嘅男士內衣系列，38歲嘅咸哥雖然已經退休，不過身材一樣好弗。據報呢個31秒廣告就要400萬美元（約3,100萬港元），碧咸（左）周日仲同F1車手咸姆頓（右）一齊入場睇波㖭！不過兩個英國人識唔識美式足球球例呢？