周國豐夫婦生女夾生肖

周國豐夫婦生女夾生肖

周國豐與太太黃泳霖、蕭定一等前晚現身紅磡都會海逸酒店的煙花匯演活動。周國豐和黃泳霖透露會到越南旅行,問到奶奶周啟邦夫人身體如何,黃泳霖說:「佢唔飛,身體OK,但之前話去澳門都唔想去,𠵱家親戚好似姨媽都係食吓飯,唔鍾意舟車勞頓。」
問黃泳霖馬年會否追B女?她說:「唔諗住,雖然都想,等細仔大個啲,因為冇乜時間畀佢,同埋兩個仔生肖一個龍一個虎,如果生女都想係和藹溫馴動物,想cute cute哋會乖啲。」在旁的周國豐亦謂:「好忙,有排。」
採訪、攝影:林嘉慈