陳法拉今年如願到美國與家人度歲，提到新年習俗，她日前說：「爸爸每年都會浸一埕酒，裏面有好紅色嘅嘢，好似有紅棗同杞子，跟住仲會用張紅紙，用啲材料名寫首詩，呢支陳氏老酒會擺喺屋企當眼位置。」
對於馬年大計，法拉說：「上半年已經排得好密，拍劇、廣告同埋商業活動，今年對我自己嚟講，有好多新嘗試，我都好想可以試吓啲新嘢，可以寓工作於娛樂。我自己係一個好願意試新嘢嘅人，多咗機會畀到我，真係好感恩同開心，因為每次試一樣新嘢，一定會有得着，呢個係不斷學習，不斷進步嘅過程。」感情方面，法拉說：「暫時唔理住，嚟緊我會周圍去，想專注工作先！」
採訪：何慧斯
場地提供：香港九龍東皇冠假日酒店