雖然新年流流病就唔多「老黎」，不過有話小病是福，長腿姐姐萬綺雯年初二病咗，順便咪可以撒下老公嬌囉！到咗噚日年初三赤口，熊黛林同郭書瑤一個退咗燒，一個仲發緊燒，真係陰公豬…不過三個病人有一樣共同點，就係唔覺意晒咗素顏或者淡妝相。連埋喺網上都見到張栢芝又白又滑嘅素顏相，唔通新年真係晒素顏嘅好時機？！
不過新年除咗興素顏，仲興一樣嘢，就係…IQ題喇！繼前日點估，你都估唔到嘅Cammi後，噚日又多一員了！佢就係重口味o靚模組合AD2成員之一嘅Aily吳婕妤，齋睇個樣真係…估成個馬年都估唔到囉！變臉變到唔同晒樣，正值新年會唔會派錯利是、拜錯年…？