【大圍→沙田】媽模陳靜儀（Mia）期望馬年行桃花運，想不到夢想成真，她日前凌晨夜被發現偕四眼男伴在大圍拍拖飲酒吹水。原來男伴正是近日跟Mia傳緋聞的波鞋街已婚太子爺Kenneth，兩人因為去年除夕結伴倒數令緋聞曝光，Mia上月生日也獲男方到賀兼送上利是。Mia不避嫌相約Kenneth夜蒲，足見兩人關係非比尋常。
管接管送
當日凌晨一時多，記者發現Mia和Kenneth坐在酒吧內的鬼祟位，兩人雖沒喪劈酒，但全程雞啄唔斷，非常好傾，似有說不完的話題，不時細聲講大聲笑，大約半小時便結賬離開。
Mia收起平日爆乳打扮，以一身密實的衣着素顏夜蒲，她隨Kenneth上了寶馬座駕，由Kenneth做柴可夫送返回沙田寓所，即使到了，Mia下車後仍依依不捨的走到司機位，跟Kenneth繼續吹水，Mia上樓前不忘回首拋出嗲樣冧Kenneth，然後以輕快腳步回家。Kenneth目送Mia上樓後，即開車窗食煙，開車到燈位時又分神玩手機，估計仍跟Mia保持聯絡。
記者昨日致電Mia，問到她與Kenneth夜蒲，她死撐說：「嗰日有朋友生日，唔只我哋兩個，仲有其他朋友，只不過我第日要做嘢，所以佢送我早走。」
飲酒斷片
問到Mia為何下車仍向Kenneth嬌嗲送秋波，她說：「係咩？我唔記得咗，可能飲咗酒，high high哋。」可擔心被指變小三？Mia說：「唔會，我識朋友唔會理人哋背景，我哋暫時未有發展空間，仲係普通朋友，佢仲未升呢變男友。」
採訪、攝影：徐錦池、朱志聰、畢紹基