常言道「物極必反」，樓市經過連續近10年的升幅，受多項措施連環狙擊，應該是唞吓氣、慢下來的時候。發展商們為求做生意，不會完全停下來不賣樓，過去十年多次從谷底反彈也是由新盤帶頭減價開始，不同的是今年的調整期較長，用家上車的風險相對較以往高。
老樓指的風險為一旦加息來臨，樓價下跌的速度才會更快，但美國加息期尚未到，以目前低息環境，上咗車先算，故此近期換樓客擔心一買就跌，個心唔舒服；反之上車盤仍然旺場，就係咁嘅道理。
新界上車盤最受落
上車客成為眾多樓盤支持者，他們所選的大部份為居屋或新界二線藍籌之類，故近月以屯門及天水圍一帶樓價300萬的物業仍然堅挺，業主減一萬數千元便即有成交；反之大型藍籌靠中產換樓客就斯人獨憔悴，成交量急跌，造就細價樓獨大。業主劈價越深，當然接貨者風險相應減低，搵業主做對沖對象，總好過估估吓。何況二手業主多是早年購貨，即使減只是九牛一毛，尚未蝕到入肉。碰到這類業主不算多，因此期間超級筍盤一閃即逝。面對這類市況，老樓建議落區不要停，在收窄範圍下重點出擊，隨時執到筍盤。
這還要大膽還價，當人家還價5%，你可再壓價10%，當然，這要以該單位質素而定，多做功課始終有利。
劉兆昌
資深地產傳媒人
http://www.HKLau.com