陳奕迅（Eason）早前獲母校英國倫敦金斯頓大學頒授榮譽博士，太太徐濠縈、女兒康堤及一班好友梁漢文、郭偉亮、葉佩雯、何超儀和房祖名等均有出席見證開心時刻，有指Eason豪花一百萬包起好友這次旅遊的使費，之後眾人留在英國度假，昨日返港。
突黑面神上身
昨日下午約2時半，梁漢文與老婆林文慧、何超儀及老公陳子聰等先出閘，梁漢文甫見記者便說：「我冇帶利是喎。」老婆則避忌彈開，但仍很有禮貌跟記者微笑。問梁漢文今次外遊是否Eason全包？他說：「你哋問番Eason。」還說Eason由另一閘口出來。昨日34歲生日的葉佩雯則留在法國，與老公Eric Kwok一齊慶祝。
其後Eason一家三口果然在另一邊閘口出來，開頭笑笑口的Eason突然面色一沉，問他是否玩得好開心，他黑面神上身說：「我搭咗咁耐機，唔好搞我啦，我唔答你哋嘢㗎喇，你哋放棄啦！」問到是否一百萬包好友過英國，Eason沒回應。
快行引開注意
現場不少記者影康堤，康堤全程笑笑口，但Eason卻有點晦氣說：「你哋真係唔顧及小朋友感受，唉。」其後又謂：「新年快樂呀，見到你哋。」
此時有記者謂「大家咁話」時，Eason突然扯火：「大家咁話？乜叫大家咁話呀？」徐濠縈當下即托一下老公隻手，示意不要發脾氣，之後有記者說「新年快樂」，Eason不知是否有所誤會，略帶不滿說：「我話唔顧及（小朋友感受），你話大家咁話？」之後Eason越行越快，應該是想引開記者注意，等老婆和囡囡不用再被影相。
此外，鄧麗欣（Stephy）昨日與母親由北京返港，問到老公為何沒有同行？Stephy反問﹕「邊個係我老公？」記者指方力申，她笑說：「佢喺北京做嘢，同媽咪過去玩兩日，總之我未結婚啦！」
採訪﹕王崇穎
攝影﹕仇志德
