【本報訊】馬年頭炮新盤華懋大埔富．盈門昨日大年初一首日開放現樓，早段竟現人龍，惟街坊嫌貴。二手蛇年沉寂，踏入馬年馬上開單，其中上水蔚翠花園一個三房戶，以低市價約5%由換樓客接貨。
富．盈門現參觀人潮
華懋大埔富．盈門昨早11時開放現樓兩層予市民參觀，新年流流，人頭湧湧，代理不諱言：「估唔到咁多人。」記者現場參觀，包括1座9樓及17樓全層，一梯五伙，單位間隔和用料已非昔日華懋，普遍方正實用，少窗台，廚廁設備屬近年新樓標準，駐足約1小時，保守計逾20組客參觀。
剛睇完樓的大埔居民莫先生表示：「華懋以前可能差啲，𠵱家好似好啲，有少少想買，但價錢始終貴咗少少，最少700幾萬，呢個價錢可以買其他新樓。」他表示，或會入飛，但抽中先算。消息稱，該項目單日收約20張票。
此外，恒地（012）營業（一部）總經理林達民表示，馬鞍山迎海1期共213伙，相關樓書已進入最後階段，有望農曆1月內以現樓推售，料吸引換樓客。
另恒地今年八大樓盤共480伙，若全部沽出，可套現逾200億元。
換樓客買蔚翠花園
馬年二手響頭炮，美聯物業周志強表示，上水蔚翠花園5座高層A室，實用716方呎，業主減價30萬元，昨以約450萬元成交，實呎6,285元，低市價約5%，買家是同區換樓客。原業主2010年2月以約277萬元買入，賺約173萬元。
另外，青衣居屋青泰苑G座高層8室，實用401方呎，已補地價317.8萬元成交，實呎7,925元。買家是同區新婚夫婦，原本年三十晚已傾好，大年初一終決定買入自住。原業主04年補地價約92萬元買入，賺約225.8萬元。
【睇樓客嫌價錢貴】
莫先生：「華懋樓以前可能差啲，𠵱家我覺得好似好啲，有少少想買，價錢始終都係貴少少，最少700幾萬，呢個價錢可以買其他新樓。」
凌先生：「以前睇華懋樓，好多窗台，𠵱家少好多，同埋單位四正實用，但價錢比同區高少少，（接唔接受到？）好老實，接受唔到。」
