唐寧與港視仍有合約，稍後會再拍新劇，對於港視今年終於開台，唐寧笑說：「我冇諗過唔得囉！就算嗰陣發生咗件事，我覺得仍然有好大正能量，因為老闆畀咗好大正能量我哋，所以我覺得唔使擔心，做好自己先，始終都會畀大家睇到我哋嘅嘢。」唐寧囝囝快將3歲，馬年可計劃再追多個？唐寧說：「順其自然啦，有當然好，有兄弟姊妹係開心嘅，最緊要唔好咁大壓力。」
至於已約滿港視的周家怡，仍參與新年照拍攝，原來她稍後會跟港視再簽約拍劇：「之前佢哋未有牌嗰陣，都有安排我哋去外面casting（試鏡）。新一年除咗再拍港視劇之外，希望試吓拍電影，多啲嘗試，同埋學吓幕後嘅嘢。」提到港視將開台，家怡坦言開心：「呢件事對成個行頭、電視界都係好，而且港視會請多800人，增加好多就業機會。」