彭家麗去年跟走音甩beat的朱壽仁主席合唱《從不喜歡孤單一個》，處變不驚獲讚，日前彭家麗在觀塘受訪時說：「可能我性格較內斂，有乜嘢唔會太大反應，合唱時同拍檔要互相照顧同配合，否則只會連累自己完成唔到首歌。」當日《蘋果》動主播Kathleen向彭家麗拜師學唱Twins的串燒賀年歌《孖寶668》，Kathleen先唱兩次，彭家麗聽後批評：「冇走音，但入拍子唔係咁準，雖然有身體語言，但要啱拍子。新年歌最緊要開心，可以笑多啲嚟唱，你個樣真係有啲似阿Sa（蔡卓妍）。總括表現OK，把聲夠清脆。」
彭家麗教唱歌19年，她稱曾遇過走音男學生：「五音不全，無論彈乜嘢音，佢都唱唔準，結果我勸佢退學，其實佢係俾媽咪逼嚟學。」
採訪：唐寶妮
攝影：陳志嵐
場地：家燕媽媽藝術中心