每年明星賽公佈名單，總會有滄海遺珠，馬刺中鋒鄧肯同太陽後衞積格斯（1號），都算係今年遺珠。好彩積格斯都識化悲憤為力量，周四領軍作客溜馬，就貢獻28分同7助攻，爆冷以102:94擊敗呢支東岸1哥，亦都係溜馬今季第2場主場敗仗咋。積格斯賽後就講，若然拜恩因傷退出，希望自己可以補選，如果成真就係開心到喊。