昨晚雖然係大年初一，但湖南衛視冇停播節目《我是歌手2》，繼續播出第5集，今集又再次由鄧紫棋(G.E.M.)打頭陣，同之前嘅傳聞一樣，係選唱天后Beyonce嘅《If I Were A Boy》。
配合首歌叫「Boy」，G.E.M.以中性打扮出場，白恤衫黑色呔，一把長髮撥後作all back頭，走型格路線，歌曲同樣有俾G.E.M.大晒巨肺唱功嘅段落，不過表現明顯冇之前咁令人印象深刻。而傳聞昨晚G.E.M.攞唔到第一，未能三連冠，最後結果‧‧‧由羅琦唱的《我是一隻小小鳥》勝出，G.E.M.得第二，第三是張杰，之後排名分別係張宇、周筆暢、韓磊、品冠包尾。