珠玉在前，美國駐港澳總領事夏千福一條食蘿蔔糕兼跑馬仔嘅創意賀年短片，實在令獨沽一味硬銷善心嘅特首狼振英相形見絀。力促成立創新及科技局嘅狼振英，今年同太太唐青儀嘅賀年短片，開宗明義話要走「寫實」路線；雖然都係以蘿蔔糕為主題，但都係一貫咁整色整水大sell溫情兼惜食，創意度遠遜千福BB。
狼太廚藝媲美乜太
狼英喺題為《分甘同味迎馬年》網誌話，喺志願機構配合下，同太太加入義工行列，將收集返來嘅蘿蔔等材料，製作成蘿蔔糕，仲將食物攞去社區中心同「老友記」分享。佢話拍攝過程非常順利；觀乎狼太入廚嘅「落力度」，真係可以同乜太媲美！立法會噚日就宣佈，由於離港度歲嘅狼振英，未能出席原訂喺2月7日嘅新春午宴，所以會押後至2月24號先舉行。其實呢個活動最初得卅幾個議員報名，自由黨一個都冇。唔知押後咗，自由黨會唔會繼續杯葛？