拜年遇著伯婆 小儀迪偉4招拆解每逢新年，各方親朋戚友都會聚首一堂，互相恭賀一番，同時又互相「查家宅」一番，學業、工作、結婚、生仔等都被追問，有甚麼應對妙法？吒咤903 DJ小儀和迪偉可謂身經百戰，由他們出馬教大家4招應付三姑六婆之策！
記者：鄒倩婷 攝影：方智傑
1.亂噏當秘笈
迪偉認為有好事應該開心share，所以遇著親友問起婚事，直情把情人都share出去，「我有好多女朋友㗎，你係咪想我同你老公搵個二奶，返屋企執吓垃圾、洗吓碗，我介紹畀你老公好冇呀？」這樣，三姑六婆便怕了你！
2.男女通殺
時代開放，被問到拍拖的私人事，小儀教你開放式應對，「拍拖呢啲嘢，唔一定同男仔嘅，我o依家仲諗緊，究竟係同男仔好定女仔好，女仔知道我哋女仔嘅心意嘛！」這樣，三姑六婆便會啞口無言了！
3.扮晒魚蝦蟹
其實一年見一次的親戚，八卦完的事大多一笑置之，過後即忘，迪偉索性扮結婚，「其實我旅行結婚，下次得閒請你食餅！」這樣，便封著眾人的嘴。
4.藝人的秘密
這一招是小儀的絕招，「明星唔可以咁大聲，畀人知道拍拖結婚，所以我們要秘密，搞地下情！」這樣三姑六婆都不能追問下去了！