今日大年初一，先恭祝各位讀者財源廣進，波運亨通。新春好波源源不絕，既可入大球場睇賀歲波，周末英意西德聯賽亦有不少大戰，重頭戲肯定是安排了在周一深夜上演，由曼城對車路士這場英超冠軍前哨戰。對曼城來說，2月開始進入魔鬼賽程，包括月中英足盃再對車仔，以及歐聯迎戰巴塞隆拿。無論比歷連尼是否增兵，無敵主場及3大神鋒的火力，足夠成為力爭4冠的最大本錢。就算藍戰士是英超作客守力最強的一隊，仍未足以抵禦藍月主場金身的威力，雙藍戰，上盤是本周重心。
3支藍軍今季都換上新帥，亦同樣有出色表現，比歷連尼、摩連奴和馬天尼斯3個教頭風格各異；前者重攻，後者強調控球在腳，至於摩佬，則一如2005及06年英超封王的球季，屢以強勁防守來全取3分，近6場客仗中，有4場都是零失球。
早前提過車仔中場實力強勁，以大勇的夏薩特為首，配合奧斯卡杜斯山度士及韋利安，大衛雷斯及拉美利斯掃蕩，在英超唯一可與之相比的，就只有曼城。畢竟耶耶托尼及大衛施華質素非凡，前者今季已入12球，冠絕英超中場球員；施華的傳球率高達88.3%，其致命直線及盤扭技術，相比同位置的奧斯爾或桑馬達毫不遜色。得中場、得天下，既然雙藍不相伯仲，前線火力驚人的曼城自然秤先。
曼城及車仔同於周三踢完英超，藍月在爭議聲下大勝5:1，車仔則被韋斯咸悶和0:0，對士氣不無影響。雖然主隊今仗或缺少阿古路，但連祖維迪都剛獲「士哥」，鋒線更為完整；而且近5次在英超迎戰車仔，錄得4勝1負，更值信賴。曼城主場火力勁，但兩強接戰，小心翼翼，很大機會是緊湊而少波入的比賽，押曼城上盤就夠，不必補「大」。
要說這場比賽決定英超冠軍誰屬仍太早，畢竟車仔、曼城及阿仙奴俱要於歐聯作賽，對英超影響難料，但贏得此仗肯定士氣大振，令爭標形勢出現傾斜。英超封王賠率已熱至1.5倍的曼城，今仗將再次展現震懾對手、衝擊4冠的實力。
英超早場亦有心水。新特蘭近期越踢越有，在東北打吡作客剛有卡比耶離隊，且雷米紅牌未知能否打甩的紐卡素，受讓半/一筍，要分頭不妨取冷W。希望這一熱一冷貼士，可助各讀者打響馬年頭炮。文：仙道彬