【本報訊】人養馬，馬養人。世上沒有一種關係，比馬兒與馬經報人的友誼更加單純；單純到除了利益之外，再沒有甚麼情感牽繫可言了。全盛時期，香港的馬兒養起了30多份馬報與無數從業員的家庭。現在只剩下18份馬報，但第二代馬報掌門人深信，一天香港馬照跑，一天香港的馬報都不會摺埋。
嘆馬會撈過界
採訪當天，已有34年歷史的《職業馬報》報社，正在北角的機房趕印蛇年壓歲賽馬的排位版。總編輯關家俊（Carson）聚精會神，在馬報發行前作最後審閱。《職業馬報》由Carson父親關卓華創辦，比起全盛時期，現時馬報銷量已跌了大約兩成。「任何行業都有興衰，以前馬會透明度冇咁高，馬迷要靠馬經得到消息。𠵱家馬會有網站發放消息，某程度上兼埋傳媒嗰份，所以讀者逐漸流失。」Carson說。
不過Carson相當樂觀，深信馬報仍有生存空間。「𠵱家馬圈有千幾隻現役馬，馬迷需要資訊比以前更多。而且隨住自由行同馬會開拓境外市場，馬報讀者持續有新血加入。既然賽馬都冇式微過，馬報亦唔會。」
全港新聞報章都數碼化，馬報也不例外。《職業馬報》兩年前已推出App版，像即時新聞般不時更新馬圈最新動態。Carson說：「買馬報嘅大多數係年長馬迷，所以我哋要居安思危，好似《蘋果》搞動新聞咁，迎接另一階段。」
Carson與其父親先後育有三匹賽駒，記者問他怎樣看待馬兒這種動物，他說：「我哋依靠馬食飯，梗係有感情；馬同貓狗好唔同，身價高好多。」新聞業界近年飽受各方衝擊，Carson慶幸馬經報人可以免於政治紛爭：「任何刊物都有政治，馬經冇。當全世界人睇住啲馬衝終點嗰10秒，就係最和平嘅時刻。」