【毋忘屠城】
年宵人人聲嘶力竭搶客，64號檔的藝術家林曉東卻選擇靜待知音人，以藝術悼念六四。「當年話三幾年就會平反，眨吓眼已經25年」，89年時只20出頭的林曉東，見證熱情的同齡人無辜犧牲，不忍事件如粉筆字般被無聲擦去，今年將印上「毋忘六四」的立體明信片帶到維園，只為覺醒，「有啲事情我哋唔可以忘記」。
林曉東對六四有情意結。當年香港仍是殖民地，港人的身份認同很弱，對內地政治漠不關心，但年輕學生堅守天安門廣場，卻令香港年輕人「第一次覺得同中國嘅脈搏咁接近」。
他說，當年曾計劃飛往北京聲援，但航班因天氣問題取消，「過咗幾日就係六四，每個畫面對我嚟講都係好震撼」。
冀薪火相傳平反六四
他認為，維園是書寫歷史的地方，2009年六四20周年，他首次於維園年宵擺檔，投得64號檔，今年25周年他再投得同號檔，將97年一輯平面作品重塑成立體明信片，分別印上「毋忘六四」、「我愛香港」及「我愛中國」。他期望藉藝術作品將平反六四要薪火相傳，「對80後、90後係好遙遠嘅事，當時好細個甚至未出世」。
《蘋果》記者