趙世曾未能接受囡囡趙式芝同波爾錶太子女楊如芯（Sean）嘅同性婚姻，之前佢再度加碼10億招婿，搞到趙式芝喺facebook收到世界各地男仔自薦嘅滋擾。
「關我乜事」
趙式芝噚日接受喺報章寫咗封英文公開信，又喺本報名采專欄，用中文寫咗封「給父親的信」，絕地再向父親表明心迹。內容都係體諒爹哋嘅苦心，話明白爹哋為自己所做嘅一切，但係佢唔明白女人同女人之間嘅浪漫愛情觀，不過唔需要爹哋認同批准，仲大讚Sean令佢好溫暖，好快樂，所以都希望爹哋可以待佢係一個有尊嚴嘅普通人。
馮仁昭噚日打畀趙世曾問有關公開信嘅事情，佢表示未有留意囡囡嘅公開信，佢表現到有啲唔情願：「關我乜事，我同Sean冇關，佢哋私生活我唔理，從來冇干涉佢嘅私生活。」問到佢會唔會接受二人嘅婚姻，同埋新年會唔會約Sean改善關係？趙世曾好唔耐煩話：「冇溝通，對我嚟講冇關係，係冇可能，之前講過冇可能，唔好再講，無謂再講，以後都唔好講，每個人生活要開心係基本要求，要我承認呢啲嘢，係承認唔到。」