馬刺喺周二常規賽又輸，作客有主力夏登因傷缺陣嘅火箭以90:97落敗，近4場波輸第3場。禍不單行，馬刺第6人真路比利（左）喺下半場一次入樽後，似乎拉傷咗大腿，仲未知唞幾耐。
至於火箭中鋒懷特侯活同打正選嘅控衞林書豪就好醒神，前者拎23分兼16個籃板，「林瘋」都貢獻咗18分。另外，夏登雖然受傷，但好識撈，最近送隊友各一對有火箭標誌嘅耳筒。
