【本報訊】發展局局長陳茂波近日接受傳媒訪問發表一手樓市下跌論，暗指中原城市領先指數（CCL）未能完全反映市況。該指數創辦人大學教授曾淵滄坦言，中原指數只是追蹤二手樓價，一手樓價難以追蹤，他更直指局長或有自己一套量度一手樓價的方法。
曾淵滄：一手樓冇得計
陳茂波日前接受電視台訪問稱，過去一年一手樓價調整逾10%，二手樓調整幅度較細，「有一啲領先指數，未必反映到，因為啲領先指數呢，如果用一手樓來跟蹤，佢無充份考慮發展商賣樓時嘅各項優惠，如果考慮嗰啲入去，其實係調整咗十幾巴仙」。
曾淵滄表示，中原城市領先指數只是追蹤二手樓價，「一手點衡量呢？無可能。好似一隻股票，你要俾佢上咗市，變成二手買賣，先可以知道佢升定跌。新樓同邊個比？無得比！你唔可以攞呢個屋邨同隔籬屋邨比，唔同㗎，無意思」。他續稱：「我唔係講佢（陳茂波）唔啱，又唔係講佢錯，我只係話一手樓係無辦法衡量，如果有辦法，中原指數早就包括咗啦」。
陳茂波指一手樓價已下調，曾淵滄稱：「我唔知道囉！我唔係話冇跌，又冇話唔跌，因為我無辦法衡量……要攞橙同橙比，蘋果同蘋果比。」他又指，很多人「感覺上」一手樓價下跌，「每人都有自己方法，可能局長有自己方法去衡量，不過我唔識。」陳茂波表示市場增加了很多中小型地產商，其持貨能力「未必咁強」，大型發展商多屬上市公司，均須交業績。他料未來數月發展商推盤會更積極，供應會增加。賣地方面會確保相當數量，展望未來希望樓市平穩。