趣趣地：井上老師撐唔起湖人

經過日前詳細覆檢後，拜恩嘅膝傷依然唔理想，仲覺得痛同有腫脹。咁嘅情況下，佢肯定唔會喺未來兩周內復出，換言之將會缺席明星賽。

冇咗佢嘅湖人，喺周二常規賽繼續輸，主場92:104不敵溜馬，連輸5場。著名籃球漫畫《男兒當入樽》嘅作者井上雄彥（圖）都係呢場波嘅座上客（上圖），佢專誠嚟美國睇佢名下獎學金運動員嘅比賽，順便睇埋湖人場波。