木狼中鋒比高域今季打足44場常規賽兼全部正選，平均每場拎18分同超過9個籃板球，但佢喺周一贏公牛場波整傷足踝，預計最少要休息7至10日。比高域表現咁好，球會都好撐佢，為咗支持佢同「狼王」路夫打明星賽，幫佢哋出咗張唱片《The Bruise Brothers》（圖），呼籲大家支持。西岸正選只得路夫有份，但比高域仲有機會靠由一眾教練選出嚟嘅後備陣容參賽㗎。