牛仔大屠殺後，大市反彈仍然乏力，連續兩日收低於二萬二點，絕非吉兆，相信短期內難以重上250日線（22577）。個股出現零星反撲，有蟹貨宜趁勢沽出，盡量多持現金。冇貨想短炒賺件新衫，亦宜即日了結，皆因市況動盪，真係「今日唔知聽日事」。
博短炒，走勢靚的毫子股可成主攻對象，入場費細，上落又大，但當然風險亦高，須嚴格控制注碼。新焦點（360）自去年7月獲中國私募基金巨擘鼎暉投資入主後，股價如坐過山車，高見1.27元，最低亦見過0.38元。不過，經歷近四個月整固後，過去三日不理大市走勢，獨自向上攀升，成交急增，意味大戶全面控制貨源，隨時爆發升浪，目標先睇0.9元至1元。
新焦點主營汽車維修服務，去年7月，向鼎暉配售12.6億新股，每股0.3元，佔擴大後股本約42.8%，令鼎暉成為大股東；日後如兌換可換股債券，持股量更可升至56.8%。鼎暉投資往績強勁，目前基金規模逾百億美元，主要投資蒙牛（2319）、雙匯、百麗（1880）、分眾傳媒、南孚電池、九陽小家電等50多家中國知名企業。
去年，新焦點先後與英國石油及埃克森美孚簽訂合作協議，可見潛藏不錯的實力，隨着中國平均車齡老化，汽車維修大有可為，從基本因素及技術角度，新焦點均具不俗的升值潛力。
魏力
http://www.facebook.com/2012jason