【本報訊】「佢（賊人）手車都算唔差，咁多差人都追佢唔到。」年輕時為賽車發燒友的跑車司機李先生（圖）聲稱曾參加澳門新手賽，路上司機技術好壞難逃其雙眼，賊人雖搶去他的車，撞到傷痕纍纍，但他仍持平地評價賊人駕駛技術「唔弱」。
李自稱於1976年加入警隊，五年後離開警隊，他指18歲已愛上「鍊車」，駕車技術精湛，「開倒車落大帽山，全程高速都唔會撞」。離開警隊後更以「揸車」維生，替富豪當司機。
他稱，被搶平治跑車雖已有20年車齡，惟一年只用數次，性能保持良好，並指習慣駕車到禧利街便利店買報，平時有一名店員在門口叠報，他落車買了即走，但昨不見店員在門口，所以要行入店內付款，多了時間，沒料會被賊人有機可乘。他說早前做過切肝手術，不能太刺激，追賊也是緩步跑，其間掟過垃圾桶及蒸餾水樽截車，但都被賊人撞開。