【本報訊】港台新大樓的「減磅」計劃依舊未令建制派回心轉意，包括民建聯葛珮帆在內、反對撥款的議員昨日在立法會一小組會議上，指港台不應再浪費時間，應該改為提交「Plan B」，說明沒有新大樓下如何推動新的廣播服務，辣㷫同屬民建聯的商務及經濟發展局局長蘇錦樑「大義滅親」，激動反駁葛沒邏輯。
倡睇餸食飯提Plan B
為求令新大樓撥款成功闖關，港台早前作修訂，將原來近60.5億元的新大樓計劃縮減七億元，至約53億元，原定爭取在今天召開的工務小組審議，但建制派始終未放行，暫時未知撥款何時再提交立法會。
立法會資訊科技委員會昨早開會跟進施政報告相關措施時，多名建制派議員將矛盾指向港台，指港台若一而再、再而三闖關不成，是否不應該再浪費時間，反而應該提出後備方案「Plan B」。
其中葛珮帆席間更指出，「做生意嘅嘢都係要睇餸食飯」，「今次呢個數額係好大，如果局方同港台唔可以畀一個好好嘅答覆，我哋好難支持，希望雙方可以盡快諗一個Plan B」，她又追問港台如何可在「應使則使、慳得就慳」下進一步發展。
此說辣㷫出身民建聯的蘇錦樑。他指議員早已同意港台應按行會2009年決定而作新的發展，但與此同時，「你又唔批（撥款），你話『我反對』，跟住你又問番我哋：唔畀錢你，你又畀得幾多服務我呢？」蘇怒稱：「我唔知呢一個邏輯喺邊度。」
蘇：唔批點支持港台？
他續忿言反問：「你個個都話支持（新服務計劃），但根據呢啲服務招標番嚟，你又唔批，咁點樣支持我？點樣支持港台？議員究竟係咪支持港台呢個大樓先，同埋有啲乜嘢服務，幾多錢你會批？（新大樓）唔能夠喺立法會通過，我哋嘅Plan B可以係乜嘢呢？」