北京在政改立場上不斷吹淡風，擺出強硬姿態，泛民內部早已打定輸數；但另一方面北京卻同時打懷柔策略，中聯辦繼續請泛民議員出席今年新春酒會，據聞受邀人數是歷年最多，連支聯會主席李卓人也獲邀請出席，有泛民相信西環此舉為日後回請議員試水溫，以反映北京未放棄爭取泛民妥協，接受北京政改方案。
為回請議員試水溫
據知中聯辦今年的新春酒會，下月13日在會展舉行，大部份泛民議員均收到邀請。有民主黨議員對季陶說，以他了解，今次西環邀請的泛民人數為以往最多，西環方面亦似極緊張有多少泛民議員到場，近日已透過「中間人」了解他們意向。當然這類禮節性邀請，泛民也無意令對方難下台，「一定有代表去，但一定唔會成個黨去晒！」
西環今次請泛民議員出席今年新春酒會，有泛民中人相信，是為日後回請立會議員「試水溫」，「（西環）想睇睇有幾多人去、幾多人唔去，咁日後諗回請立會議員宴會，心入面有個底，可以同阿爺交代大約有幾多（泛民）唔會去」。
當然阿爺此舉亦大有向泛民「軟硬兼施」味道，仍想拉攏泛民某些人，接受北京政改方案。但正如某泛民中人對季陶說，談判必須對等，若談判是代表泛民必須妥協、完全放棄自己立場，「咁唔係叫談判、係叫投降，無論阿爺、西環同我哋食幾多次飯，肯定唔使諗！」
季陶