【養生之道】
有錢佬開飯，鮑參翅肚應是例牌菜，在呂志和的餐單上卻通通欠奉。十年如一日的全素早餐，偶然來碗三、四十元的牛腩粉或是雲吞麵，再不然來點較精巧的蝦餃、燒賣。富豪生活，不過如此。
嘉華每天都有早餐會，管理層輪流與呂志和共進早餐。呂志和「獨沽一味」的全素早餐，包括十穀粥、苦瓜炒蛋白、烚有機菜，外加番茄及蘋果。雖然寡得乏味，但他吃得健康。說到喜歡的食物，呂志和即時回答，「我鍾意食雲吞麵、食牛腩粉。」中環九記牛腩是他的最愛，老闆出名愛鬧人，卻亦不敢鬧他。呂志和反倒怕被顧客鬧而不敢親自幫襯，「我去到佢就實畀位我，我唔好意思呀，所以𠵱家惟有叫人去買返嚟」。
「唔夠膽食貴嘢」
除了雲吞、牛腩，呂志和亦愛吃潮州魚蛋粉，卻恨街邊粉麵檔消失得無影無蹤。聽到記者說起附近有麵家值得一試，呂志和登時「眼仔睩睩」地說：「畀個名我呀，又試吓！」
訪問當日，呂志和特地擺下「志和飯局」，宴請記者他愛吃的點心，蝦餃、燒賣、年糕及蘿蔔糕等尋常點心，精巧卻不花巧。他笑言食不起貴菜，「我唔夠膽食貴嘢呀，要同你借錢食貴嘢囉！」