茶餐廳內幾個師奶吹水，師奶說狼英連馬拉松起步禮也不出席，「即是乾𢭃人工，hea做，計落真着數。」師奶最憎人吞pop，所以封狼英做hea英、貪狼。
「換了是我，已經被西環架空，冇所事事，遲早被out，所以點都要爭取蒲頭，你睇那些名媛闊太就明。冇理由咁蠢自閉。」師奶得出小結論，是狼隊心戰室分裂，有心整蠱，點條黑路佢行。
「可能係德成班底立心跣佢，下屆凸選，分分鐘姓曾兩兄弟入閘戰至最後一票。阿狼眉精眼企，但衰在無朋友，敵不過兄弟同心。」
師奶中的大師奶心水清，認為阿狼冇咁易中伏，詐諦低調，測試狼營中誰是飲住狼奶的反骨仔。「既然阿爺已經變心，這兩年阿狼會疊埋心水，清算二五仔。這個馬年，狼馬為奸，終極內鬥，馬房撕裂，益晒泛民。」
這麼說，眾師奶一致認定，泛民跟阿爺的關係，唔會衰過中國跟安倍的，香港唔會沉船，豪宅跌多20%的話，會瞓身入市執平貨，唔會俾強國人盲搶！