近排美國駐港澳總領事千福BB喺網上相當活躍，咁英國駐港澳總領事吳若蘭都唔輸蝕，搶閘拍短片，用廣東話同香港人拜個早年。短片所見，佢去到街坊舖頭睇利是封，話啲設計好得意、好interesting，去到八珍甜醋舖頭，同店員一齊講「恭喜發財」。佢啲廣東話都見得人㗎，佢話今年係自己喺香港過嘅第二個農曆新年，「喺蛇年，英國同香港有好多互訪同交流例如係『狗』（舊）年10月，倫敦市長嚟過香港訪問」，「馬年即將來臨，『詩間』（時間）好似比賽緊嘅馬匹咁跑得咁快，我希望，今年嘅『恭祝』（工作）事事順利，馬到功成」。佢仲話今年開始，透過「青年流動計劃」，英國歡迎香港嘅青年人去英國居住、工作或學習，體驗英國生活同文化。嘩！真係相當吸引喎。