特區護照身喺入境處多年來努力爭取免簽證待遇下，至今已有149個國家或地區給予免簽證或落地簽證待遇，除熱門國家同地區外，連一啲冷門地區都有份。入境處處長噚日喺年結記者會就回顧話，新喀里多尼亞、摩爾多瓦共和國同埋馬拉維共和國，去年新加入免簽名單。呢啲國家，八方未去過，有啲直情未聽過。新喀里多尼亞位於南回歸線附近，係法國喺大洋洲西南部嘅一個境外領地。而馬拉維共和國就位於非洲東南部，至於摩爾多瓦共和國就夾喺羅馬尼亞同烏克蘭之間。坦白講，特區護照免簽證名單已無遠弗屆，但港人最想要嘅美國免簽證仲未有，唔知幾時先至可以成功爭取呢？