今年傑出運動員選舉，截至噚日嘅公眾投票最新走勢，香港U16足球隊喺「最佳運動隊伍」中暫時領先，力壓次位嘅男子7欖。呢班小國腳喺舊年9月歷史性晉身亞少盃決賽周，算係為香港球圈沖喜。「八傑」公投走勢，李慧詩贏到開巷，蟬聯星中之星冇難度。噚日傑運傳媒午宴（圖）透露，3月13日嘅頒獎禮仲請到郭晶晶同出爐「華姐」陳凱琳做嘉賓。